رمضان ابو النجا عبد القادر .. او عّم رمضان ... مواطن مصرى بسيط من قرية منية النصر دقهلية .. مسقط راس الدكتور حمدى السيد جراح القلب الشهير. شاءت الظروف ان يعمل ممرض فى عيادة فى حي شعبى. لديه قصص وحكايات عن حياته تصلح افلاماً سينمائية. من طفولته البائسة الى عودته من العريش الى القنطرة فى حرب ٥٦ سيراً على الأقدام حافى القدمين فى ثلاثة ايام .. حاملا فى يده طول هذه المدة وابور جاز ؟؟؟؟ ولا اعرف لماذا.. لانه أيضاً لا يعرف
فى طفولته كان يذهب مع ابوه ليعمل .. نَفَر .. فى جمع القطن فى ارض الباشا. كان نظام العمل ان يصطف الأنفار على خط مستقيم وورائهم الخولى بالكرباج. الحركة بحساب والكلام بحساب ومن يتاخر عن الصف او يخالف يكون مصيره الكرباج على ظهره. كان كلما نزل الكرباج على ظهره ينظر الى ابوه ويسأله ( همه بيضربونا ليه يابا) ... فينظر اليه ابوه بنظرة كلها شعور بالقهر .. ولا يرد. وعند الظهر يصيح الخولى فيجلس الجميع كل فى مكانه ويفك المنديل المربوط على وسطه وبداخله وجبة الغداء ... رغيف عيش ذره وقطعة جبنة قريش !!!!!!!. وما ان يصيح الخولى مرة اخرى حتى يصطف الجميع مرة اخرى. ويستمر العمل حتى قبل الغروب حيث يحصل كل نَفَر على بضعة قروش ...يومية
ده الفلاح بتاع مصر زمان ... اللى كان اسمه شتيمة ... فلاح خسيس .....لا يعرف جروبي ولا سبق الخيل ولا الحلاق اليونانى. ده اللى فى يوم صحى من النوم لقى واحد لونه قمحى زيه بيقوله تعالى خد ارضك وازرعها. ارضك اللى خدوها منك زمان وشغلوك فيها أجير. ده اللى بيقولوا عليه دلوقتى حكم العسكر
يريدون مسح ذاكرة المصريين
انظر الى هذا الفلاح البسيط وهو يجذب عبد الناصر من قفاه ليقبله بمنتهى الحب والامتنان
No comments:
Post a Comment