ﻳﺎ ﺣﺎﺟﺔ ﺁﻣﻨﺔ ﺍﺻﺒﺮﻯ

ﺳﺮﺣﺘﻰ ﻓﻰ ﻫﻤﻮﻡ ﺍﻟﻌﻴﺎﻝ

ﻛﻴﻔﻦ ﻳﻌﻤﻠﻮﺍ ﻣﻊ ﺍﻟﺪﺭﻭﺱ

ﻭﺳﺮﺣﺘﻰ ﻓﻰ ﺣﻖ ﺍﻟﻔﻄﻮﺭ

ﺑﺎﻗﻰ ﺍﻻﻣﻮﺭ ﺍﻟﺒﻰ ﺍﻟﻘﺮﻭﺵ

ﻭﺍﺣﺪ ﺯﻣﻦ ﺩﺍﻳﺮ ﺭﺩﺍ

ﻭﺍﺣﺪ ﺧﻼﺹ ﻗﻠﻤﻮﺍ ﺍﺗﻜﺴﺮ

ﺯﻯ ﺍﻟﺘﻘﻮﻝ ﺃﻛﻠﻮﺍ ﺍﻟﺼﺒﺮ

ﻳﺎ ﺣﺎﺟﺔ ﺁﻣﻨﺔ ﺍﺻﺒﺮﻯ ..

يا شاربة من نبع العفاف

مجبورة في الزمن الجفاف

ملسوعة في أعوام عجاف

عطّنت ليلك بالبكا

وسقيتي أيامك نواح

حزنك من الحزن اشتكا

عينيك نسن طعم الصباح

يا مارقة في زمن الشقا

زمن الألم زمن الجراح

اتصبّري ..

ورينا كيف معنى النضال

معنى الصبر...

 في حلكة الليل اللي طال

ورينا كيف ممكن تصدي الريح

وتتحدي المحال

واتصبري ...