منقوووول
ﺍﻧﺎ ﺭﺑﺎﻧﻲ ﺍﺧﻮﻱ ﻻﻧﻮ ﺍﻣﻲ ﻛﺎﻥ ﺑﺘﺸﺘﻐﻞ ﻑ ﺍﻟﺒﻴﻮﺕ ﻣﻦ ﻃﻠﻌﺖ ﺍﻟﻔﺠﺮ ﺑﺘﺠﻲ ﺍﻟﻌﺸﺎ ﺍﻭ
ﺑﻌﺪﻭ ﻭ ﺑﺘﺠﻲ ﺗﻌﺒﺎﻧﻪ ﺑﺘﻜﻮﻥ ﺷﺎﻳﻠﻪ ﻣﻌﺎﻫﺎ ﺩﻗﻴﻖ ﻭ ﺳﻜﺮ ﻭ ﻟﺒﻦ ﻻﻧﻮ ﺑﻜﻮﻥ ﻋﺸﺎ ﺍﻟﻠﻴﻞ
ﻭ ﻓﻄﻮﺭ ﺑﻜﺮﻩ ﻭ ﺑﻲ ﺍﻟﻨﺴﺒﻪ ﻟﻲ ﺍﺑﻮﻱ ﻡ ﺑﻨﻌﺮﻑ ﻋﻨﻮ ﺍﻱ ﺷﻲ ﺑﺘﺬﻛﺮ ﺯﻣﺎﻥ ﺍﺧﻮﻱ
ﻋﺸﺎﻥ ﺍﻣﺸﻲ ﺍﺷﺘﻐﻞ ﻣﺴﺎﻓﻪ ﺍﻧﺘﻲ ﻑ ﺍﻟﻤﺪﺭﺳﻪ ﻋﺸﺎﻥ ﺍﻣﻲ ﻡ ﺗﺘﻌﺐ ﺷﺪﻳﺪ ﺑﺘﺬﻛﺮ
ﻛﻼﻣﻮ ﺩﺍ ﺯﻱ ﺍﻟﻠﻴﻠﻪ ﻭ ﻛﻞ ﻡ ﺍﺗﺬﻛﺮﻭ ﻗﻠﺒﻲ ﻳﻮﺟﻌﻨﻲ ﺷﺪﻳﺪ ﺍﺍﺍﺍ ﻧﺴﻴﺖ ﺑﻲ ﺍﻟﻨﺴﺒﻪ
ﻟﻲ ﺍﻟﺴﻜﻦ ﻛﺎﻥ ﺑﺠﺒﻮﻧﺎ ﻧﺤﺮﺱ ﺍﻟﺴﻴﺦ ﺣﻖ ﺍﻟﻌﻤﺎﺭﺍﺕ ﻭ ﺍﻻﺳﻤﻨﺖ ﻋﺸﺎﻥ ﻡ ﻳﺘﺴﺮﻗﻮ ﻭ
ﻧﺘﻨﻘﻞ ﻣﻦ ﻣﺤﻞ ﻟﻲ ﻣﺤﻞ ﻭ ﺍﻟﻘﺮﺍﻳﻪ ﻛﺎﻧﺖ ﻣﻘﻄﻌﻪ ﻣﻦ ﻣﺪﺭﺳﻪ ﻟﻲ ﻣﺪﺭﺳﻪ ﺑﺲ ﻟﻤﻦ
ﺍﺷﻮﻑ ﺍﻣﻲ ﺑﺘﺠﻲ ﺗﺮﻗﺪ ﻻ ﺑﺘﺠﺮ ﻳﺪ ﻭﻻ ﺭﺟﻞ ﻭ ﺍﺧﻮﻱ ﻛﻞ ﻳﻮﻡ ﻣﺠﺮﻭﺡ ﺑﻲ ﺳﺒﺐ
ﺻﺎﺝ ﺍﻟﻠﺤﺎﻡ ﻛﺎﻥ ﺩﺍ ﺍﻟﺒﺪﻳﻨﻲ ﺩﺍﻓﻊ ﻣﺮﺍ ﻭ ﺍﻧﺎ ﻑ ﺍﻟﺜﺎﻧﻮﻱ ﺟﻮ ﻧﺎﺱ ﺍﻟﻌﻤﺎﺭﻩ
ﺍﻟﻤﺤﺮﺳﻨﻨﺎ ﻟﻴﻬﺎ ﻭ ﻗﺎﻡ ﻗﺎﻝ ﻟﻲ ﺍﺧﻮﻱ ﻫﺎﻙ ﺍﻣﺸﻲ ﺟﻴﺐ ﺑﺎﺭﺩ ﻣﻦ ﺍﻟﺪﻛﺎﻥ ﻟﻲ ﺍﻟﻨﺎﺱ
ﺍﻟﻤﻌﺎﻱ ﺍﺧﻮﻱ ﻗﺎﻝ ﻟﻲ ﺍﺭﺡ ﻣﻌﺎﻱ ﻡ ﺑﺨﻠﻴﻚ ﻫﻨﺎ ﻭ ﺍﻟﺪﻛﺎﻥ ﺑﻌﻴﺪ ﻣﻦ ﺍﻟﻌﻤﺎﺭﻩ ﻟﻤﻦ ﺟﻴﻨﺎ
ﺭﺍﺟﻌﻴﻦ ﻟﻘﻴﻨﺎ ﺍﻟﻨﺎﺱ ﻣﺎﻑ ﻭ ﺍﻟﺴﻴﺦ ﻣﺎﻑ ﺑﻌﺪ ﺷﻮﻳﻪ ﻧﺸﻮﻑ ﺍﻟﺪﻭﺭﻳﻪ ﺣﻘﺖ
ﺍﻟﺸﺮﻃﻪ ﺟﻮ ﻋﻠﻴﻨﺎ ﻭ ﻣﻌﺎﻫﻢ ﺳﻴﺪ ﺍﻟﻌﻤﺎﺭﻩ ﻭ ﺑﻘﻮﻝ ﻟﻴﻬﻮ ﺍﺍﻱ ﻫﻮ ﺍﻟﺴﺮﻕ ﺍﻟﺴﻴﺦ ﺣﻘﻲ
ﺍﻧﺎ ﺃﻣﻨﺘﻢ ﻭ ﻫﻢ ﺣﺮﺍﻣﻴﻪ ﺍﺧﻮﻱ ﻗﺎﻝ ﻟﻴﻬﻮ ﺧﺎﻑ ﺍﻟﻠﻪ ﺍﻧﺖ ﻣﻮﺵ ﺍﺳﻲ ﺭﺳﻠﺘﻨﺎ
ﻗﺎﻝ ﻟﻴﻬﻮ ﻳﻌﻨﻲ ﺍﻧﺎ ﺣﺮﺍﻣﻲ ﺍﻧﺎ ﺣﺮﺍﻣﻲ ﻱ ﺳﻌﺎﺩﺗﻚ ﺩﻕ ﺍﻟﺰﻭﻝ ﺩﺍ ﻭ ﺩﺧﻠﻮﻫﻮ ﺍﻟﺴﺠﻦ
ﺍﻧﺎ ﺩﺍﻳﺮ ﺳﻴﺨﻲ ﻭﻻ ﻗﺮﻭﺷﻲ ﺑﺘﺎﻉ ﺍﻟﺒﻮﻟﻴﺲ ﺟﺎ ﻣﻦ ﻫﻨﺎﻙ ﺑﻲ ﺍﻟﺒﺴﻄﻮﻧﻪ ﻭ ﺑﻘﺎ ﻳﺪﻕ ﻑ
ﺍﺧﻮﻱ ﻭ ﺍﻧﺎ ﺍﺑﻜﻲ ﻭ ﺍﻗﻮﻝ ﻟﻴﻬﻮ ﻡ ﺗﺪﻗﻮ ﻭﺍﻟﻠﻪ ﻡ ﺳﺮﻗﻨﺎ ﻋﻠﻴﻚ ﺍﻟﻠﻪ ﻡ ﺗﺪﻗﻮ ﻭ ﻫﻮ
ﻳﺪﻕ ﻓﻴﻬﻮ ﻟﻤﻦ ﺍﻟﺪﻡ ﻧﺰﻝ ﻭ ﺍﺧﻮﻱ ﻡ ﻗﺎﺩﺭ ﻳﻌﻤﻞ ﺣﺎﺟﻪ ﻋﺸﺎﻥ ﺩﺍ ﺑﺘﺎﻉ ﺑﻮﻟﻴﺲ ﻗﺎﻡ
ﻗﺎﻝ ﻟﻴﻬﻢ ﺍﺭﻓﻌﻮ ﻫﻮ ﻭ ﺍﺧﺘﻮ ﻑ ﺍﻟﻌﺮﺑﻴﻪ ﻳﻤﺸﻮ ﺍﻟﻘﺴﻢ ﺍﺧﻮﻱ ﻗﺎﻝ ﻟﻴﻬﻮ ﺍﺧﺘﻲ ﻡ
ﺑﺘﺤﺮﻙ ﻭﻻ ﺷﺒﺮ ﻗﻠﺘﺎ ﺍﻧﺎ ﺳﺮﻗﺘﻮ ﺗﻮﺩﻭﻧﻲ ﺍﻧﺎ ﻗﺎﻝ ﻟﻴﻬﻮ ﺍﻧﺘﻮ ﻛﻠﻜﻢ ﺣﺘﻤﺸﻮ ﺍﺧﻮﻱ ﻗﺎﻝ
ﻟﻴﻬﻮ ﺍﻟﺒﻴﺼﻞ ﺍﺧﺘﻲ ﻡ ﻳﻠﻮﻡ ﺍﻻ ﻧﻔﺴﻮ " ﻭﺍﻧﺎ ﻗﺎﻋﺪﻩ ﻣﻌﺎﻫﻮ ﻑ ﺍﻻﺭﺽ ﻭ ﺑﺒﻜﻲ " ﺟﺎ
ﺍﻟﺮﺍﺟﻞ ﻭ ﺩﺍﻳﺮ ﻳﻤﺴﻜﻨﻲ ﻣﻦ ﻳﺪﻱ ﺍﺧﻮﻱ ﺷﺎﻝ ﺍﻟﺼﺒﻪ ﻭ ﺿﺮﺑﺎ ﻓﻴﻬﻮ ﻑ ﺭﺍﺳﻮ ﺍﻟﺮﺍﺟﻞ
ﻭﻗﻊ ﻭ ﻧﺎﺱ ﺍﻟﺤﻠﻪ ﺍﺗﻠﻤﻮ ﻑ ﺭﺍﺟﻞ ﻛﺒﻴﺮ ﻗﺎﻝ ﻟﻴﻬﻢ ﺍﻟﺒﺖ ﻡ ﻋﻨﺪﻫﺎ ﺍﻱ ﺩﺧﻞ ﻭ ﺍﻱ ﻛﻼﻡ
ﻣﻨﻜﻢ ﺣﺄﺗﺨﺬ ﻣﻌﺎﻛﻢ ﺑﻲ ﻣﺪﻳﺮ ﻗﺴﻤﻜﻢ ﺍﺟﺮﺍﺀﺍﺕ ﻡ ﺑﺘﺘﺤﻤﻠﻮﻫﺎ ﻭ ﺿﺮﺏ ﻟﻲ ﻣﺮﺗﻮ ﻗﺎﻝ
ﻟﻴﻬﺎ ﺗﻌﺎﻟﻲ ﺳﻮﻗﻲ ﺍﻟﺒﺖ ﺩﻱ ﻭ ﺍﻧﺎ ﺍﻗﻮﻝ ﻟﻴﻬﻢ ﻡ ﺗﺴﻮﻗﻮ ﺍﺧﻮﻱ ﻭﺍﻟﻠﻪ ﻡ ﺳﺮﻗﻨﺎ
ﺭﻛﺒﻮﻫﻮ ﻑ ﺍﻟﻌﺮﺑﻴﻪ ﻭ ﺍﻧﺎ ﺟﺎﺭﻳﻪ ﻭﺭﺍ ﺍﻟﻌﺮﺑﻴﻪ ﻭ ﻫﻮ ﻳﻘﻮﻝ ﻟﻲ ﺍﺭﺟﻌﻲ ﺍﺭﺟﻌﻲ ﺍﻧﺎ ﺑﺠﻲ
ﺑﺲ ﻡ ﺗﺨﻠﻲ ﺯﻭﻝ ﻳﻘﺮﺏ ﻋﻠﻴﻚ ﻭ ﻡ ﺗﺨﻠﻲ ﻗﺮﺍﻳﺘﻚ ﻭ ﻡ ﺗﺨﻠﻌﻲ ﺍﻣﻲ ﺍﻧﺎ ﺑﺠﻲ
ﺛﺒﺘﻮﻧﻲ ﺍﻟﺮﺟﺎﻝ ﻭ ﺭﺟﻌﻮﻧﻲ ﻟﻲ ﺑﻴﺖ ﺍﻟﻤﺮﺍ ﺍﻧﺎ ﻡ ﻗﻤﺘﺎ ﻣﻦ ﺍﻟﻤﺼﻼﻳﻪ ﺍﻻ ﻟﻤﻦ ﺳﻤﻌﺘﺎ
ﺻﻮﺕ ﺍﻣﻲ ﻗﺎﻟﺖ ﻟﻴﻬﻢ ﺑﺘﻲ ﻋﻨﺪﻛﻢ ﻗﻤﺘﺎ ﺟﺎﺭﻳﻪ ﻋﻠﻴﻬﺎ ﻭ ﺍﻧﺎ ﺑﺸﻬﻖ ﻭ ﻭﺷﻲ ﻣﻨﻔﺦ ﻣﻦ
ﺍﻟﺒﻜﺎ ﺍﻣﻲ ﺍﻭﻝ ﻡ ﺷﺎﻓﺘﻨﻲ ﺣﻀﻨﺘﻨﻲ ﻭ ﺑﻘﺖ ﺗﺒﻜﻲ ﻭﺗﻘﻮﻝ ﻟﻲ ﺗﻌﺎﻟﻲ ﻱ ﺣﺸﺎﻱ ﺍﻟﻠﻪ
ﻏﺎﻟﺐ ﺍﻟﻠﻪ ﻉ ﺍﻟﻈﺎﻟﻢ ﺍﺧﻮﻙ ﻭﺩﻭﻫﻮ ﻭﻳﻦ ﻭﺩﻭ ﺳﻴﺪ ﺑﻴﺘﻨﺎ ﻭﻳﻦ ﺍﻧﺎ ﺍﺳﻮﻱ ﺷﻨﻮ ﻱ
ﺍﻟﻠﻪ ﻡ ﻋﻨﺪﻧﺎ ﻏﻴﺮﻙ ﻱ ﺍﻟﻠﻪ ﺭﺍﺿﻴﻴﻦ ﺑﻲ ﺣﻜﻢ ﺑﺲ ﺩﺍ ﺍﻟﻤﺎ ﻋﻨﺪﻱ ﻟﻴﻬﻮ ﻃﺎﻗﻪ ﻱ ﺍﻟﻠﻪ ﻭ
ﺑﻘﺖ ﺗﺒﻜﻲ ﺷﺪﻳﺪ ﺟﺎ ﺍﻟﺮﺍﺟﻞ ﻗﺎﻝ ﻟﻴﻬﺎ ﺍﺳﺘﻬﺪﻱ ﺑﺎﻟﻠﻪ ﻱ ﺍﺧﺖ ﺍﻟﺒﻠﺪ ﺩﻱ ﻟﺴﺎ
ﺑﻲ ﺧﻴﺮﺍ ﻭ ﻭﻟﺪﻙ ﺯﻱ ﻭﻟﺪﻱ ﺍﻧﺎ ﺣﺄﻃﻠﻌﻮ ﻟﻴﻚ ﻭ ﺍﻟﺮﺍﺟﻞ ﺍﻟﻔﻲ ﺍﻟﻤﺴﺘﺸﻔﻰ ﺣﻴﻌﺘﺒﺮﻭﻫﻮﺍ
ﺩﻓﺎﻉ ﻋﻦ ﺍﻟﻌﺮﺽ ﺍﻧﻮ ﻣﺴﻜﺎ ﻣﻦ ﻳﺪﻫﺎ ﺍﻣﻲ ﻗﺎﻣﺖ ﻗﻌﺪﺕ ﻑ ﺍﻻﺭﺽ ﻭ ﺑﻘﺖ ﻣﺎﺳﻜﺎ ﻟﻲ
ﺍﻟﺮﺍﺟﻞ ﺭﺟﻮﻟﻮ ﻭ ﺗﻘﻮﻝ ﻟﻴﻬﻮ ﻭﺍﻟﻠﻪ ﻱ ﺍﺧﻮﻱ ﻻ ﺣﻴﻠﺘﻲ ﻻ ﻗﺪﺭﺗﻲ ﻭ ﻡ ﻋﻨﺪﻧﺎ ﻏﻴﺮﻭ
ﺭﺑﻴﺘﻮ ﺑﻲ ﺍﻟﻜﻞ ﻭ ﺍﻟﻤﻞ ﻡ ﻋﻠﻤﺘﻮ ﻳﻮﻡ ﻳﺸﺤﺪ ﻭﻻ ﻳﺴﺮﻕ ﻋﻠﻴﻚ ﺍﻟﻠﻪ ﻃﻠﻌﻮ ﻟﻲ
ﺍﻧﺤﻨﺎ ﻡ ﻋﻨﺪﻧﺎ ﺿﻬﺮ ﺑﻨﺮﻓﻊ ﻭﻛﻴﻠﻨﺎ ﻟﻲ ﺍﻟﻠﻪ ﻭ ﺧﻼﺹ ﻫﻮ ﺑﻘﻰ ﻳﻘﻮﻝ ﻟﻴﻬﺎ ﻱ ﺍﺧﺖ
ﻗﻮﻣﻲ ﺍﺳﺘﻐﻔﺮ ﺍﻧﺎ ﺑﺸﻮﻓﻜﻢ ﻟﻤﻦ ﺍﺟﻲ ﻣﺎﺷﻲ ﺍﻟﺸﻐﻞ ﻳﻌﻨﻲ ﺣﺎﺷﺎﻛﻢ ﺍﻟﺴﺮﻗﻪ ... ﺍﻣﻲ
ﻗﺎﻣﺖ ﻭ ﻗﺎﻟﺖ ﻟﻴﻬﻮ ﺍﻟﻠﻪ ﻳﺠﺰﻳﻚ ﺧﻴﺮ ﻭﻣﺸﻴﻨﺎ ﺩﺧﻠﻨﺎ ﻑ ﺭﺍﻛﺒﺘﻨﺎ ﺍﻟﺒﻲ ﺍﻟﺨﻴﺶ ﻭ
ﺣﻀﻨﺘﻨﻲ ﺷﺪﻳﺪ ﻭ ﺑﻘﺖ ﺗﻘﻮﻝ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺑﻌﺪ ﺗﻼﺕ ﺍﻳﺎﻡ ﺍﻟﺮﺍﺟﻞ
ﺟﺎﻧﺎ " ﺑﻌﺪ ﻡ ﺭﺟﻌﻨﺎ ﺍﻧﺎ ﻭ ﺍﻣﻲ ﻣﻦ ﺷﻐﻼ ﺑﻘﻴﺖ ﺍﻣﺸﻲ ﺍﻟﻤﺪﺭﺳﻪ ﻭ ﺍﻣﺸﻲ ﻟﻲ ﺍﻣﻲ
ﻭﻧﺮﺟﻊ ﺑﻠﻴﻞ ﺳﻮﺍ " ﻗﺎﻝ ﻟﻴﻨﺎ ﻭﺍﻟﻠﻪ ﻱ ﺍﺧﺘﻲ ﻭﻟﺪﻙ ﺍﺩﻭﻫﻮ ﺳﻨﺘﻴﻦ ﻭ ﺍﺳﻴﺎﺩ ﺍﻟﻌﻤﺎﺭﻩ
ﻗﺎﻟﻮ ﺗﻄﻠﻌﻮ ﺍﻣﻲ ﺑﻘﺖ ﺗﻜﻮﺭﻙ ﻭ ﺗﻘﻊ ﻑ ﺍﻻﺭﺽ ﻭﻭﺍﺍﺍﺍﺍﺍﻱ ﻱ ﺍﻟﻠﻪ ﺍﺳﺴﺴﻮﻱ ﺷﻨﻮﻭ ﺍﻧﺎ
ﻭﻭﻭﻟﺪﻱ ﻱ ﺍﻟﻠﻪ ﺍﺳﻮﻱ ﺷﻨﻮ ﺍﻧﺎ ﻗﺎﻝ ﻟﻴﻬﺎ ﺍﺳﺘﻬﺪﻱ ﺑﺎﻟﻠﻪ ﺍﻟﻨﺎﺱ ﺩﻳﻞ ﻗﺎﺩﺭﻳﻢ ﻭ
ﻛﺎﻥ ﺣﻴﻜﻤﻮ ﻋﻠﻴﻬﻮ ﺑﻲ ﺳﺒﻌﻪ ﺳﻨﻪ ﻟﻮ ﻡ ﻣﻌﺎﺭﻓﻲ ﻭ ﺍﻟﺸﻬﻮﺩ ﻭ ﺍﺳﻲ ﺟﺎﻱ ﺍﻗﻮﻝ ﻟﻴﻜﻢ
ﺍﻧﺎ ﻋﻨﺪﻱ ﻑ ﺍﻟﺴﻄﻮﺡ ﺍﻭﺿﻪ ﻭ ﺣﻤﺎﻡ ﺍﻗﻌﺪﻭ ﻓﻴﻬﺎ ﺍﻟﻔﺘﺮﺓ ﺩﻱ ﺍﻟﺪﻧﻴﺎ ﺍﺻﻼ ﻡ ﻃﺎﻳﺮﺓ ﻭ
ﺍﻟﻨﺎﺱ ﺩﻳﻞ ﺟﺎﻳﻦ ﻋﻠﻴﻜﻢ ﻟﻮ ﻟﻘﻮﻛﻢ ﺣﻴﺎﺧﺪﻭﺍ ﺣﻘﻬﻢ ﻭ ﻡ ﺣﻴﺮﺍﻋﻮ ﺍﻧﻜﻢ ﻧﺴﻮﺍﻥ ﺍﺫﺍ ﻫﻮ
ﺍﻟﺮﺍﺟﻞ ﺳﺮﻕ ﺍﻟﺴﻴﺦ ﻋﺸﺎﻥ ﻛﺎﻥ ﻣﺪﻳﻮﻥ ﻭ ﺍﻟﺒﻴﺪﻓﻊ ﻗﺮﻭﺵ ﺍﻟﺒﻨﻴﺎﻥ ﺩﺍ ﻭﻟﺪﻭ " ﺍﻟﻠﻴﻠﻪ
ﺩﻳﻚ ﻗﻀﻴﻨﺎﻫﺎ ﺑﻜﺎ ﻑ ﺑﻴﺖ ﻋﻤﻮ " ﺍﻣﻲ ﻗﺎﻟﺖ ﻟﻲ ﺍﻱ ﺷﻲ ﺑﻴﺤﺼﻞ ﻑ ﺍﻟﺪﻧﻴﺎ ﺩﻱ ﻟﻲ
ﺧﻴﺮ
ﻭ ﺍﻟﻤﺎ ﻋﻨﺪ ﻗﺮﻭﺵ ﻑ ﺍﻟﺒﻠﺪ ﺩﻱ ﻡ ﺑﻌﻴﺶ ﺍﻣﺸﻲ ﻣﺪﺭﺳﺘﻚ ﻭ ﺍﻗﺮﻱ ﻋﺸﺎﻥ ﺗﺒﻘﻰ ﻟﻴﻨﺎ
ﺍﻟﺴﻨﺪ ﺯﻱ ﻡ ﻛﺎﻥ ﻫﻮ ﺳﻨﺪﻙ ﻣﻦ ﺍﻟﻴﻮﻡ ﺩﺍﻙ ﻭ ﺍﻧﺎ ﻡ ﺑﺨﻠﻲ ﻭﻻ ﺣﺮﻑ ﻳﻔﻮﺕ ﻋﻠﻲ ﻭ ﻛﻞ
ﻡ ﺍﺗﺬﻛﺮ ﺍﺧﻮﻱ ﺑﻘﺮﺍ ﺯﻳﺎﺩﻩ ﻟﺤﺪﻱ ﻡ ﻭﺻﻠﺘﺎ ﺗﺎﻟﺘﻪ ﻭ ﺷﻠﺘﺎ ﻋﻠﻤﻲ ﺍﺣﻴﺎﺀ ﻭﻋﺎﺭﻓﻪ ﺍﻧﻲ
ﻗﺪﺭ ﺍﻟﺜﻘﻪ ﺍﻟﺨﺘﺎﻫﺎ ﻟﻲ ﺍﺧﻮﻱ ﺍﻳﺎﻡ ﺍﻻﻣﺘﺤﺎﻧﺎﺕ ﺍﻣﻲ ﻛﺎﻥ ﺑﺘﺠﻴﺐ ﻟﻲ 4 ﺣﻼﻭﻩ
ﺳﻤﺴﻤﻴﻪ ﻋﺸﺎﻥ ﺗﺤﻔﺰﻧﻲ ﻭﺍﻧﺎ ﻛﻨﺘﺎ ﺑﻔﺮﺡ ﺑﻴﻬﻢ ﺷﺪﻳﺪ ﻭ ﻛﺎﻥ ﺑﺘﻘﻮﻝ ﻟﻲ ﺍﺧﻮﻙ ﻟﻮ ﻛﺎﻥ
ﻗﺎﻋﺪ ﻭ ﺷﺎﻑ ﻗﺮﺍﻳﺘﻚ ﺩﻱ ﻛﺎﻥ ﺣﻴﺘﺄﻛﺪ ﺍﻧﻚ ﺣﺘﺠﻴﺒﻲ ﺍﻋﻠﻰ ﺩﺭﺟﻪ ﺍﻧﺎ ﺍﺿﺤﻚ ﻭﺍﻗﻮﻝ
ﻟﻴﻬﺎ ﻭ ﺍﻧﺎ ﺍﺑﺪﺍ ﻡ ﺣﺄﺧﺰﻟﻮ ﻭﻻ ﺍﺧﺰﻟﻚ ﻣﺮﺕ ﺍﻻﻣﺘﺤﺎﻧﺎﺕ ﻭ ﻛﻨﺘﺎ ﺣﺎﺳﻪ ﺍﻧﻲ ﻗﺪﺭﻫﺎ ﻭ
ﻧﺺ ﻭ ﺧﻤﺴﻪ ﻭ ﺟﺎﺕ ﻣﻮﺍﻋﻴﺪ ﺍﻟﻨﺘﻴﺠﻪ " ﻳﻮﻡ ﺟﻤﻌﻪ ﻋﻤﻮ ﺭﺳﻞ ﺑﺘﻮ ﻋﺸﺎﻥ ﻧﺠﻲ
ﻧﺤﻀﺮ ﺍﻟﻨﺘﻴﺠﻪ ﺍﻧﺎ ﻧﺰﻟﺘﺎ ﻗﺒﺎﻝ ﺍﻣﻲ ﺩﺧﻠﺘﺎ ﺍﻟﺼﺎﻟﻮﻥ ﻟﻘﻴﺖ ﺍﻟﺒﻴﺖ ﻛﻠﻮ ﻗﺎﻋﺪ ﺑﺲ ﺑﻌﺎﻳﻨﻮ
ﻟﻲ ﻭ ﻣﺒﺴﻮﻃﻴﻦ ﻡ ﻓﻬﻤﺘﺎ ﺷﻲ ﻻﻧﻮ ﺍﻟﻤﺆﺗﻤﺮ ﺯﺍﺗﻮ ﻡ ﺑﺪﺍ ﺍﻭﻝ ﻡ ﺍﺗﻘﺪﻣﺘﺎ ﺧﻄﻮﺗﻴﻦ
ﺍﺳﻤﻊ ﺯﻭﻝ ﺑﻲ ﻭﺭﺍﻱ ﻳﻘﻮﻝ ﻟﻲ ﻭﻭﻭﻩ ﺍﺗﺠﻤﺘﺎ ﻗﺒﻠﻲ ﻡ ﺧﻮﻑ ﺑﺲ ﺍﻟﺼﻮﺕ ﺩﺍ ﺍﻧﺎ
ﺣﺎﻓﻈﺎﻫﻮ ﺯﻱ ﺍﺳﻤﻲ ﺑﻘﻴﺖ ﺍﻗﺒﻞ ﻭﺷﻲ ﺷﻮﻳﻪ ﺷﻮﻳﻪ ﻭ ﺍﻗﻮﻝ ﻱ ﺭﺏ ﻳﻜﻮﻥ ﻫﻮ ﻱ
ﺭﺏ ﻳﻜﻮﻥ ﻫﻮ ﻭ ﻟﻤﻦ ﻗﺒﻠﺘﺎ ﺷﺎﻟﻨﻲ ﻓﻮﻭﻭﻕ ﻭ ﺑﻘﺎ ﻳﺪﻭﺭ ﺑﻲ ﺍﻧﺎ ﻛﻨﻜﺸﺘﺎ ﻓﻴﻬﻮ ﺷﺪﻳﺪ ﻭ
ﺑﻘﻴﺖ ﺍﺑﻜﻲ ﻭ ﻫﻮ ﻳﺒﻜﻲ ﻭ ﻳﻘﻮﻝ ﻟﻲ ﺍﺧﺘﻲ ﻛﺒﺮﺕ ﻭ ﺣﺘﺨﺶ ﺍﻟﺠﺎﻣﻌﻪ ﻑ
ﺍﻟﺜﺎﻧﻴﻪ ﺩﻳﻚ ﺍﻣﻲ ﺟﺎﺕ ﻭ ﻛﺎﻥ ﺟﺎﻳﺒﻪ ﻣﻌﺎﻫﺎ ﺷﺎﻱ ﺍﻟﻜﻔﺘﻴﺮﺓ ﻭﻗﻌﺖ ﻣﻨﻬﺎ ﻭ ﺑﻘﺖ
ﺟﺎﺭﻳﻪ ﻋﻠﻴﻨﺎ ﻭ ﻫﻮ ﺟﺎﺭﻱ ﻋﻠﻴﻬﺎ ﻭ ﺣﻀﻨﺘﻮ ﺷﺪﻳﺪ ﺳﻴﺪ ﺑﻴﺘﻲ ﺭﺟﻊ ﺷﻴﺎﻝ ﻫﻤﻲ ﻭ
ﺿﻬﺮﻱ ﺭﺟﻊ ﻭ ﻃﻮﺍﻟﻲ ﺳﺠﺪﺕ ﻟﻲ ﺭﺑﻨﺎ ﻭ ﺑﻘﻴﻨﺎ ﺍﻟﺘﻼﺗﻪ ﻧﺒﻜﻲ ﻟﺤﺪ ﻡ ﺍﺳﺘﻬﺪﻳﻨﺎ ﺑﻲ
ﺭﺑﻨﺎ ﻭ ﻗﺒﻠﻨﺎ ﻉ ﺩﻳﻞ ﻟﻴﻘﻨﺎ ﺍﻟﺒﻴﺖ ﻛﻠﻮ ﺑﻴﺒﻜﻲ ﻣﻌﺎﻧﺎ ﻗﻠﺘﺎ ﻟﻴﻬﻮ ﺟﻴﺖ ﺑﺘﻴﻦ ﻗﺎﻝ ﻟﻲ
ﻃﻠﻌﻮﻧﻲ ﺍﻟﻠﻴﻠﻪ ﺍﻟﺼﺒﺎﺡ ﻛﺄﻧﻮ ﺭﺑﻨﺎ ﺩﺍﻳﺮﻧﻲ ﺍﺟﻲ ﺍﺷﻮﻑ ﻧﺠﺎﺣﻚ " ﻑ ﺍﻟﺜﺎﻧﻴﻪ ﺩﻳﻚ
ﺍﻟﻤﺆﺗﻤﺮ ﺑﺪﺍ " ﻣﺸﻴﻨﺎ ﻗﻌﺪﻧﺎ ﻑ ﺍﻟﻜﻨﺒﻪ ﻭ ﻫﻮ ﻳﻘﻮﻝ ﻟﻲ ﺍﻫﺎ ﺑﺘﺠﻴﺒﻲ ﻛﻢ ﻗﻠﺘﺎ ﻟﻴﻬﻮ ﻡ
ﻋﺎﺭﻓﻪ ﺑﺲ ﺑﺘﺬﺍﻉ ﻑ ﺍﻟﺘﻠﻔﺰﻳﻮﻥ ﻗﺎﻝ ﻟﻲ ﺍﻭﻋﺎ ﺗﻜﻮﻧﻲ ﺷﻔﻴﺘﻲ ﻭ ﺗﺠﻴﺒﻲ ﺩﺭﺟﻪ ﺑﻲ
ﺍﻟﺤﺮﺍﻡ ﻗﻠﺘﺎ ﻟﻴﻬﻮ ﻭﺍﻟﻠﻪ ﻭﻻ ﻋﺎﻳﻨﺘﺎ ﻟﻲ ﺯﻭﻝ ﺟﻤﺒﻲ ﻭ ﻛﻞ ﻣﺮﻩ ﺑﺘﺬﻛﺮ ﻛﻼﻣﻚ ﺑﻌﺪ
ﺷﻮﻳﻪ ﺍﻟﻤﺮﺍ ﺑﺪﺕ ﺩﺍﻳﺮﺍ ﺗﺰﻳﻊ ﺍﻻﻭﻝ ﻭ ﻗﺎﻟﺖ ﺍﻻﻭﻝ ﻉ ﻧﻄﺎﻕ ﺍﻟﺴﻮﺩﺍﻥ ﺍﻟﻄﺎﻟﺒﻪ ﺍﻓﻨﺎﻥ
ﺣﺴﻦ ﺍﺣﻤﺪ ﺍﺑﺮﺍﻫﻴﻢ ﺍﺳﻢ ﺍﻟﻮﺍﻟﺪﻩ ﻓﺎﻃﻤﻪ ﺧﻀﺮ ﻣﺤﻤﺪ ﺍﻟﻤﺪﺭﺳﻪ ﻋﺮﻓﺎﺕ ﺍﻟﺤﻜﻮﻣﻴﻪ
ﺍﻟﻤﺠﻤﻮﻉ 97.7 % ﻑ ﺍﻟﺜﺎﻧﻴﻪ ﺩﻳﻚ ﻛﻠﻨﺎ ﺑﻴﻘﻨﺎ ﻭﺍﻗﻔﻴﻦ ﻭ ﺍﻧﺎ ﺭﺑﺒﺒﺒﺐ ﻏﻤﺮﺗﺎ ﺍﺧﻮﻱ
ﺑﻘﺎ ﻳﻜﻮﻭﺭﻙ ﻣﻦ ﺍﻟﻔﺮﺭﺭﺡ ﻭ ﺍﻣﻲ ﺗﺰﺯﺯﻏﺮﺕ ﻭ ﺍﻧﺎ ﺣﺎﺳﻪ ﺍﻧﻮ ﺩﺍ ﺣﻠﻢ ﺣﻠﻢ ﺍﻧﺎ
ﺍﻻﻭﻟﻰ ؟ ﻣﻦ ﻏﻴﺮ ﺍﺳﺎﺗﺬﻩ ﺧﺼﻮﺻﻴﻴﻦ ﻭ ﻣﻦ ﻏﻴﺮ ﺑﻴﺌﻪ ﻣﺮﻳﺤﻪ ﺍﻧﺎ ﺍﻻﻭﻟﻰ ﺑﻘﻴﺖ
ﺑﻌﺎﻳﻦ ﻭ ﺍﺑﻜﻲ ﻭ ﺍﺧﻮﻱ ﻳﻘﻮﻝ ﻟﻲ ﻣﻮﺵ ﻗﻠﺘﺎ ﻟﻴﻚ ﺍﻧﺘﻲ ﺍﻟﺤﺘﺴﻨﺪﻳﻨﺎ ﺍﻧﺘﻲ
ﺍﻟﺤﺘﻌﻮﺿﻴﻌﻨﺎ ﻋﻦ ﺗﻌﺒﻨﺎ ﻭﺩﻳﻞ ﺟﻮ ﺑﺎﺭﻛﻮ ﻭ ﻋﻤﻮ ﺟﺎﺏ ﻛﻴﺲ ﺣﻼﻭﻩ ﻗﺴﻤﻮ
... ﺑﻲ ﺍﻟﻤﻐﺮﺏ ﻧﺎﺱ ﺍﻟﻤﺪﺭﺳﺎﺕ ﻭ ﺍﻟﻤﺪﻳﺮﻭ ﺟﻮﻧﺎ ﻗﺪﺍﺏ ﺍﻟﺒﺎﺏ ﻭ ﺑﺎﺭﻛﻮ ﻟﻲ ﻭ ﻗﺎﻟﻮ
ﻟﻲ ﺍﻧﻮ ﻑ ﺷﻴﻚ ﻣﻘﺪﻡ ﻣﻦ ﺍﻟﺤﻜﻮﻣﻪ ﺑﻲ 150 ﺃﻟﻒ ﺟﻨﻴﻪ ﻫﺪﻳﻪ " ﺍﻟﻤﺒﻠﻎ ﺩﺍ ﻛﺎﻥ
ﻛﺒﻴﻴﻴﺮ ﺷﺪﻳﺪ" ﺑﻌﺪﻳﻬﺎ ﺍﺷﺘﺮﻳﻨﺎ ﺑﻴﺖ ﺑﻲ 130ﺃﻟﻒ ﻭ ﺍﺩﻳﻨﺎ ﻋﻤﻮ 20 ﺃﻟﻒ ﻛﺸﻜﺮ ﻟﻲ
ﺍﻟﻌﻤﻠﻮ ﻟﻴﻨﺎ ﺑﺲ ﺣﻠﻒ ﻡ ﻳﺸﻴﻼ ﺍﻻ ﻗﻠﺘﺎ ﻟﻴﻬﻮ ﻟﻮ ﻡ ﻣﻌﺘﺒﺮﻧﻲ ﺯﻱ ﺑﺘﻚ ﻡ ﺗﺸﻴﻼ ﺣﺘﻰ
ﺷﺎﻻ ﻭ ﻓﻮﺭﻳﺂ ﺟﺎﺗﻨﻲ ﻣﻨﺤﻪ ﺍﻟﺠﺎﻣﻌﻪ ﻑ ﺑﻴﺮﻃﺎﻧﻴﺎ ... ﺍﺳﻲ ﻋﻨﺪﻱ ﺍﻛﺒﺮ ﻣﺴﺘﺸﻔﻰ
ﺧﻴﺮﻱ ﻑ ﺷﺮﻕ ﺍﻟﻨﻴﻞ ﻭ ﻣﺠﻤﻊ ﺳﻜﻨﻲ ﻑ ﺍﻣﺪﺭﻣﺎﻥ ﻗﺎﻋﺪﻳﻦ ﻓﻴﻬﻮ ﺍﻟﻨﺎﺱ ﺍﻻﻭﺿﺎﻋﻢ
ﻛﺎﻧﺖ ﺯﻳﻲ ﻳﻌﻨﻲ ﺭﺑﻨﺎ ﻓﺘﺤﺎ ﻋﻠﻴﻨﺎ ﻭ ﺍﻧﺎ ﺑﺤﻤﺪ ﺍﻟﻠﻪ ﺍﻧﻮ ﺩﻳﻞ ﺍﻣﻲ ﻭ ﺍﺧﻮﻱ ﻭ ﺩﺍﻙ ﻛﺎﻥ
ﻭﺿﻌﻲ ﻻﻧﻲ ﻻ ﻛﻨﺘﺎ ﺣﺄﺟﻴﺐ ﺍﻟﺪﺭﺟﻪ ﺩﻱ ﻭﻻ ﻛﻨﺘﺎ ﺣﺄﺣﺲ ﺑﻲ ﺍﻟﻐﻴﺮﻱ ﻭﻻ ﻛﻨﺘﺎ
ﺣﺄﻛﻮﻥ ﺑﺎﺭﺓ ﺑﻲ ﺍﻣﻲ ﻋﺸﺎﻥ ﻛﺪﺍ ﺍﺗﺄﻛﺪﻭﺍ ﺍﻧﻮ ﺍﻟﺒﻴﺤﺼﻞ ﻟﻴﻚ ﻫﻮ ﻟﻲ ﺧﻴﺮﻙ ﺣﺘﻰ ﻟﻮ
ﻛﺎﻥ ﻛﻌﺐ
ﻳﺎﻣﺎ ﻑ ﻧﺎﺱ ﺍﻟﺪﻧﻴﺎ ﻣﺪﻗﺸﺎﻫﻢ ﻟﻤﻦ ﻗﺎﻟﻮ ﺍﻟﺮﻭﺏ ﺑﺲ ﺭﺑﻨﺎ ﻗﺎﻝ ﻻ ﻛﻠﻒ ﺍﻟﻠﻪ ﻧﻔﺴﺎ ﺍﻻ
ﻭﺳﻌﻬﺎ ﻳﻌﻨﻲ ﺍﻟﻌﻨﺪﻙ ﺍﺳﻲ ﺩﺍ ﻃﺎﻗﺘﻚ ﻭ ﻣﻘﺪﺭﺗﻚ ﻭ ﻣﺼﻴﺮﻭﺍ ﺍﻟﺤﺎﻝ ﻳﺘﺒﺪﻝ ﻛﻴﻒ ﻡ
ﺣﻴﺘﺒﺪﻝ ﻭ ﺭﺑﻨﺎ ﺍﺳﻤﻮ ﺍﻟﺮﺯﺍﻕ ﺍﻟﻐﻨﻲ
د افنان حسن ابراهيم
No comments:
Post a Comment