محسن أبو العزم هو أحد الفنانين المصريين ذوي التميز والتعبيرات الكثيفة في أعماق الحياة المصرية الشعبية ، وله أسلوب متميز لم يفلح أي من الفنانين في تقليده أو تكراره ، وعندما بدأ الكاتب (المجهول بالنسبة لي) في رسم قصة قصيرة حول الأمثال الشعبية المصرية ، فلم يجد سوى استعارة إحدي لوحات محسن أبو العزم لرسم الاطار الفني والمعرفي للابداع .. وتتميز الأمثال الشعبية المصرية بجذور متعددة بتعدد الأجناس والثقافات التي امتزجت في الحياة المصرية ، ولعل هذا هو السبب في عنفوان الثقافة الشعبية المصرية
ابداع إمرأة
جلس أمامها في حيرة وبات يحاول معرفة أحوالها بعدما رآها دائما غارقة فى نشوة البهجة والسعادة
سألها عن شريكها رغم أن لون بشرته سمراء !
قالت :- أموت في محبوبي لو كان عبد نوبي .
بيحصل ايه بينكم بعد ما تتشاحنوا ؟
قالت :- الصلح بعد العداوة أطيب من الحلاوة .
بيعاملك بعنفوان أو خشونة ؟
قالت :- العضة محبة من عجوز أو شبه .
بتآنسوا عند تناول الاكل ؟
قالت :- اللقمة ما تحلا ولا تطيب الا بوجود الحبيب .
بتفتكرى أسيته لك ؟
قالت :- اللي ينسى آسية أصحابه يا مكتر أحبابه.
بتعملى ايه لما يغيب عنك مدة طويلة ؟
قالت :- اللي قلبه على حبيبه يدور عليه ويجيبه .
تغازليه ويغازلك ؟
قالت :- بادل الحب لمين يحبك تنعم بحبه وينعم بقربك
بتحبيه علي ايه ؟
قالت :- حبيبك من تحب لو كان دب .
بيسعدك قدومه اليكِ ؟
قالت :- حبيبي المليح طلته زي نسمة الريح
بتحبى فيه ايه ؟
قالت :- سوده يا قهوة والقلب وما يهوى .
بيضربك أحيانا ؟
قالت :- ضرب الحبيب يوجع ويطيب لو كان بـ قضيب
ايه دافع حبك ليه ؟
قالت :- كل شيء بالسيف إلا ألمحبه بالكيف
بتتعاملى معاه بجرأة ؟
قالت : - أم رأس مرخيه وراها كل بلية
بيقعد معاكى كتير ؟؟
قالت : - خدي الحلوة واقعدي قبالها وان جعت كل من جمالها
بيحب فيكى إيه ؟
قالت : -كُلى حسن ولطافه وطعمى زي الكنافه
دايما مبسوطة ؟
قالت : -ما فيش حد بجمالى وهندامى السعد ماشي قدامى
لكن إنتِ قمحية البشرة
قالت : -القمحية فرايحية والسمرة قمرة والبيضة صيده
تكحلي عيونك ليه ؟
قالت : -أم العيون الكحلا أحلى
بيشوفك جميلة ؟
قالت : -المرأة الجميلة نعمة والقبيحة نقمة
انتِ حاسة إنك جميلة ؟
قالت : -الجمال محبوب لو بيت مبني بطوب
تقولي ايه علي سمارة بشرتك ؟
قالت : -السمارة أمارة
تتجملى كتير ؟
قالت : -المليح مليح لو قام من النوم والقبيح قبيح لو غسل وجهه كل يوم
بيشكر في أناقتك وجمالك ؟
قالت : -المليح ما يحتاج لمديح
بتداري جمالياتك من الحسد ؟
قالت : -الياسمين فضاح لو خفيته فاح
يمارس معاكي الحب ؟
قالت : -حرارة العناق ولا لوعة الفراق
بتزعلي لما يهملك ؟
قالت : - دقني يا دقني تسمح تعانقني والا روح وفارقني
بتحبيه كتير ؟
قالت : - لو ما جوزي وغلاوته ما عرفت الحب وحلاوته
وكمان هوه بيحبك ؟
قالت : - بادل الحب لمين يحبك تنعم بحبه وينعم بقربك
عرفتى ازاى انك حلوة ؟
قالت : - الحلوة ان جلست تبان وان قامت تلحقها الأعيان
لكن انا شوفت شعرك أكرت !
قالت : - أم شعر جعدي تقول يا سعدي وأم شعر خيلي تقول يا ويلي
No comments:
Post a Comment